Хотел за кучиња
Во АВАВ вашето куче ќе добие најдобро хотелско сместување и најдобра нега, слободна дневна игра во градинката на АвАв, во првокласни услови и стандарди на Ресорт. Додека вие патувате одберете го ова специјално место за вашето куче и тоа ќе биде негувано со многу љубов.
Хотелот располага со 45 соби, храна, садови за храна, удобни креветчиња и мека перница, играчки, постојан 24 часовен надзор, климатизација, камери во целиот објект, надзор од професионален тим.
Зошто хотел за кучиња
АвАв хотелот за кучиња е неспоредлив во однос на грижа, чистота и удобност.
Овозможете му на вашето кученце најдобар хотелски престој за дружба со крзнените пријатели и многу љубов и активности, под постојан надзор од нашиот стручен тим!
Вашето куче е безбедно
Кај нас кучињата се под 24 часовен надзор од стручни лица и големи љубители на животните и знаеме како да ја придобиеме доверба кај кучињата и на секое му пристапуваме со љубезност, разбирање и трпение. Додека вие патувате вашето куче ќе биде негувано со многу љубов и чувано без ланец, боксови или кафези. Секое куче има лична спална соба која му е на располагање 24 часа.
Вашето куче ќе има рутина
Сите знаеме дека некои кучиња се поанксиозни од другите, а навикнувањето на непозната средина може да потрае некое време. Особено ако има многу кучиња. Да се има добро воспоставена рутина е важно за вашето куче. Ќе има некој кој добро ќе се грижи за него, ќе го запознае и ќе ја заслужи неговата доверба. Рутината е извор на благосостојба за вашето куче и ќе му помогне да се навикне на новото место.
Социјализација и постојана грижа
Во нашиот хотел се грижиме за физичкото и психичкото здравје на кучињата. Кај нас со хотелското сместување е вклучена дневна градинка со сите содржини на слободна игра, истрчување и вежби за агилност на рампите во специјализираниот парк. Кучињата во текот на целиот ден слободно се движат, играат и се социјализираат со другите нивни другарчиња. Кучињата добиваат 24 часовна нега, анимација и надзор и во текот на ноќта од специјално обучен тим.
24 часовен престој на вашиот миленик во АВАВ!
Во АВАВ кучињата се вистински среќни, слободни и социјализирани како со луѓето така и со другите кучиња. Нашата програма за нега содржи уште еден важен момент за вашиот миленик, а тоа е вистинска домашна атмосфера во тек на 24 часовен престој на вашиот миленик во АВАВ!
- Кучињата целосно слободно се движат внатре и надвор низ целиот наш Ресорт кој опфаќа 2.000 квадратни метри.
- Постојано се во придружба на нашиот обучен персонал. Слободно играат и се излежуваат на креветите кога тоа им е потребно.
- Секој ден го поминуваат во слободна игра надвор низ парковите и никогаш не се заклучени во кафези или во боксови, а навечер спијат во нивни спални соби специјално направени за кучиња кои им се на располагање 24 часа.
- Кучињата се делат според карактерни особини во различни простории и паркови наменети за игра, не се мешаат кучиња со кои не се однесуваат соодветно и не им прилега карактерот за дружба.
Подгответе го кучето за хотел
Во нашиот хотел создадовме простор каде вашето куче ќе се чуствува безбедно, среќно и ќе ужива во секојдневна игра во нашиот специјализиран парк за кучиња. Нашиот хотел е целосно опремен и приспособен за сите големини на кучиња.
За најлесно прилагодување препорачуваме да го донесете вашето куче барем еден ден во дневен престој пред ноќевањето во АвАв хотелот. Три дена дневен престој е идеален – за да му овозможите на вашето кученце да се навикне на објектот и да има подобро целокупно искуство. Вашето куче ќе се чувствува удобно со нашиот персонал и ќе научи дека ќе се вратите за да го однесете дома.
Ценовник
Во цената на хотелско сместување е вклучено 24 часовен престој со постојан надзор и дружба со нашиот персонал. Воедно ние ги частиме вашите миленици со домашно подготвени здрави тритови од пекарата на АВАВ за секое добро однесување како дел од нивната програма за социјализација.
Во делот на исхраната АВАВ во цената за престој вклучува и стандардна храна за вашиот миленик, доколу вие се решите на тоа, но тоа не ја менува цената за престој.
Сепак наша препорака е вие да ја донесете вашата омилен храна на која што е навикнат вашиот миленик! Самата промена на средината, а и промена на храната во исто време може да предизвика дополнителен стрес на миленикот и несакани ефекти на столицата или стомачни проблеми!
